... ,,კბილი გვტკივა" და ,,კბილი არ გვტკივა". თუმცა შეიძლება დავამატოთ კიდევ ერთი მდგომარეობა: ,,კბილი არ არის!" თუმცა ასეთ შემთხვევაში საუბარია არა კბილის მკურნალობაზე, არამედ აღდგენაზე ან პროტეზირებაზე.
კარიესის მკურნალობა
კბილის კარიესი- არის კბილის ემალისა და დენტინის დაშლა მიკროორგანიზმების მიერ გამომუშავებული მჟაავების ზემოქმედებით.ეს მიკრობები ცხოვრობენ კბილთა ნადებში და თუ ადამიანი ცუდად იხეხავს კბილებს, ნადების ქვეშ იწყება კბილის ემალის დაშლა.დაზიანების სიდიდის მიხედვით არჩევენ კარიესის რამდენიმე სტადიას: ზედაპირულიდან ღრმა კარიესამდე. კარიესის მკურნალობა მდგომარეობს დაზიანებული ინფიცირებული უბნების განადგურებაში და ღრუს დახურვაში.ექიმმა-სტომატოლოგმა
კარიესი უნდა დაბჟინოს ხარისხიანად, რათა იმავე ადგილას არ განვითარდეს კვლავ კარიესული პროცესი. თანამედროვე საბჟენი მასალები და ექიმების ცოდნა იძლევა იმის შესაძლებლობას, რომ პლომბები გაკეთდეს კბილების ფერისა და ფორმის მსგავსად.
კბილთა ფესვის არხების მკურნალობა
ანუ ენდოდონტიური მკურნალობა აუცილებელი ხდება, მაშინ,როცა კარიესული პროცესი ღრმად მიდის კბილში და აზიანებს პულპას.არხების მკურნალობა ძალიან შრომატევადი და საპასუხისმგებლო პროცესია. იმაზე, თუ როგორაა კბილში არხები დაბჟენილი, მთლიანადაა დამოკიდებული,რამდენი ხანი მოგვემსახურება ის კიდევ.ის ძალიან წააგავს სახლის საძირკველს: თუ საძირკველი ძლიერია და საიმედო,
ზევიდან შეიძლება მასზე კარგი სახლი დავაშენოთ,ანუ, ე. ი. შეიძლება კბილზე ძვირფასი პლომბის ან გვირგვინის დადგმა, ანუ, როგორც ახლა უწოდებენ, მხატვრული რესტავრაცია.
მხატვრული რესტავრაცია
არის მეთოდი,რომელიც კბილების ბუნებრივი ქსოვილების ნორმა
ლური სტრუქტურის აღდგენის საშუალებას იძლევა სხვადასხვა ხელოვნური
მასალებით, კერძოდ შეიძლება თანდაყოლილ და შეძენილი კბილთა
დეფექტების და კბილთა დგომის დარღვევის გასწორება, ტრავმული ან
ასაკობრივი ცვეთის, შეძენილი მდგრადი ფერშეცვლილი კბილების
ბუნებრივი მდგომარეობის აღდგენა.
